खक्राैला / टिकापुर नगरपालिका वडा नम्बर ८ बटनपुर बाट प्रहरीले भन्सार छलि गरि नेपाल भित्रीन लागेको सामान सहित ६ जनालाई पक्राउ गरेको छ ।
बुधबार बिहान ८ बजे तिर सुदुर पश्चिम प्रदेश प्रहरी कार्यालय धनगढी, जिल्ला प्रहरी कार्यालय धनगढी बाट खटिएको प्रहरी टोलीले सामान सहित छ जनालाई पक्राउ गरेको हो । पक्राउ पर्नेमा भारतको लखिमपुर खिरी तिकुनिया बस्ने बर्ष ३० का गुल्लासिह, बर्ष ४५ को ईब्राहिम खान, बर्ष २१ का सुसिल कुमार, बर्ष २६ का अमिल खान, बर्ष २५ का समिर खान र बर्ष २६ का साहिल खान रहेको प्रहरी चाैकि कालाकुण्डाले जनाएको छ ।
पक्राउ परेका ६ जनालाई नियन्त्रणमा लिई आवश्यक कारवाहीको लागि भन्सार कार्यालयमा बिहीबार अबेर मात्रै पठाईएकाे र कार्यालय समय भन्दा पछि आवश्यक अनुसन्धान र प्रक्रिया मिलाउन समय अपुग हुने भएकोले शुक्रबार मात्रै सत्ति भन्सारले पक्राउ परेकालाई बुझ्ने जानकारी प्राप्त भएको छ । साइकलमा जुत्ता ,चप्पल ,प्याज,सुर्ती ,र प्लास्टिकका माला सहित पक्राउ परेका छ जना बाट ३ लाख ९० हजार ८५० रुपैयाँ बराबरको सामान रहेको बताइएको छ । हिजाे मात्र सशस्त्र प्रहरीकाे खक्राैला स्थित गुल्मले पनि ३९ हजार बराबरको कपडा पक्राउ गरेको जानकारी प्राप्त भएको छ । पक्राउ गरेको सामानको मुल्यांकन बढि हाल्ने प्रचलन सुरक्षाकर्मीकाे रहेको भन्सार स्राेतकाे भनाइ रहेको छ ।
समाचार 
